құжаттар

Рассмотренных обращений: 0
Не рассмотренных обращений: 0

Мұғалімдер аттестациядан өтті
Автор: Қалиева Ләззат Құттыбекқызы

Алгашкы конырау

Тақырыбы:           1-қыркүйек – Білім күніне арналған салтанатты жиын

 

Мақсаты:       Білім күні үлкен мереке екенін балаларға жеткізе білу, сезіну

                         білімге деген құштарлығын арттыру, еліміздің білімді, тәрбиелі

                         азаматын елжандылыққа тәрбиелеу.

 

 Көрнекілігі:     Қазақстан туы, шарлар, гүлдер, ұлағатты қанатты сөздер

                                                

 

 

 

 

 

 

 

 

 

 

 

 

 

 

 

 

І блок

                                                Барысы:

1- жүргізуші:       Қайырлы күн, құрметті ұстаздар, қонақтар, ата-аналар, 

                             оқушылар. Арайлы жаздың үш  айын мазмұнды да, мәнді

                             өткізіп, сағынышпен алтын ұя  мектебімізге оралып отырған

                             оқушыларды құттықтаймыз.

 

 2-жүргізуші:       Өмір бойы мектебімді жыр етем,

                              Бір өзіңде бақыт, білім, берекем.

                              Шәкірттерің өрістесін, өрлесін,

                              Құтты болсын «Білім күнің »- мерекең!

 

 1-жүргізуші:     Жүздеріңнен көрем шаттық арайын,

                            Болсын солай әрбір күнің, әр айың.

                            Мерекеңіз құтты болсын ата-ана,   

                            Мерекеңіз құтты болсын ағайын! – деп бүгінгі мереке мектеп 

                            табалдырығын аттайын деп отырған 1-сынып бүлдіршіндеріне 

                            арналады.

 

 2-жүргізуші:           Біраз жылын осында өткізген,

                                 Ұстаздар – ізгі пәк жандар.

                                 Қуана шәкірт қабылдап,

                                 Білімнің көшін жалғаңдар.

                                 Алғашқы әріп үйретер,

                                 _______________________________  шәкірттерімен 

                                 қарсы алыңдар!

 

(Музыка ырғағымен 1-сынып оқушыларын жетектеп, ұстаздары жиын өтіп жатқан алаңға шығып, ортаға 1 мәрте жүріп өтіп, арнайы дайындалған орынға келіп тұрады.)

 

 1-жүргізуші:    Мерекені ашу және құттықтау сөз мектеп директоры  

                           __________________ беріледі.

Ән.                                

1-жүргізуші:            Бүгін қандай шаттық тола күн еді,

                                  Бүкіл әлем ерекше бір түледі.

                                  Балдырған жетектеген ата-ана,

                                  Қуаныштан жарылардай жүрегі,

                                  Білім көзін ашатынын біледі, -  деп балаларын мектепке 

                                  алғаш жетектеп келіп отырған ата-аналарға

                                  қадамдарыңызға гүл бітсін, армандарыңызға 

                                  нұр бітсін демекпіз.

2-жүргізуші:           Бүгінгі салтанатты мерекеміздің мәртебелі қонағы ___________  

                                 кентінің әкімі __________________________________. 

                           

1-жүргізуші:       Тек жүректен арналар сөзіміз де,

                             Жақсылықтан жаралған жүрегіңіз.

                             Сөз берейік құрметпен өзіңізге,

                             Шәкірттерге арналсын тілегіңіз.  

 

Әкімнің құттықтау сөзі

 

Қонақтарға 1- сынып оқушылары гүл тапсырады.

 

                                                         ІІ блок

Музыка әуенімен ойнап келе жатқан балалар дауысы естіледі. Осы кезде 2-3 балдырған (қолдарында добы, қуыршағы, машинасы бар) өзара таласып келіп ортаға кіреді.

 

 1-жүргізуші:              Ойын қуған, жүрген думан бұл кімдер?

                                     Сылдыраған балаң тілмен естіледі бір үндер.

 

1-балдырған:               Мамам айтқан күзде мектепке барасың деп,

                                     Көп-көп оқу құралдарын аласың деп.

 

2-балдырған:                Онда мына машинаңды неге тастамайсың?

                                      Сен әлі еш нәрсені түсінбейтін кішкентайсың.

 

3-балдырған:                 Жоқ, ол жетіге толды,

                                        Үлкен бала болды.

                                        Мына қуыршақты, машинаны

                                        Бөпесіне сыйлайтын болдық.

 

Балалар ойыншықтарын бөпелеріне береді. Осы арада мектепке бара жатқан

 

2-сынып оқушылары ортаға келіп қосылады.

 

2-сынып оқушысы:      Балалар, мектепке бармайсыңдар ма?

 

 1- Балдырған:                  Мектеп.Мектеп деген ол не өзі?

                                           Оның бар ма мұрны, аузы, көзі?

 

 2-сынып оқушысы:              Мектеп – ол үлкен орда,

                                               Оқимын дегеннің бәрі сонда.  

 

  2- Балдырған:               Онда не береді?

                                         Менің де барғым келеді.

 

 2-сынып оқушысы:                         Жетіге толсаң, ойын қумай бос текке,

                                                           Оқисың, әрине, сен де мектепте.

 

3- Балдырған:                        Мектептен үйрендің сен нені?

                                               Көп пе оның сендерге бергені?

 

2-сынып оқушысы:         Мектепте бәріміз білім аламыз,

                                          Жан-жақты дамып өседі санамыз.

                                          Біз секілді ағылшын тілін меңгересің,

                                          Мектепте домбыра қағуды үйренесің,

                                          Үйірмеде билегенде бір ғажайып күйге енесің.

                                          Ән сабағына қатысып ән айтасың,

                                          Интернетке кіріп жаңалықпен қайтасың.

                                          Спорттың неше түрімен шынығасың,

                                          Қарның ашса, асханада сусын ішіп тынығасың.

                                          Бүгін 1- қыркүйек білімнің күні,

                                          Сыңғырлайды мектепте қоңырау үні.

                                          Мектебім мінеки, ақ ордам тым асқақ,

                                          Ұстазым, достарым тұр әне қол бұлғап.

                                          Жүріңдер, үңіліп мектептің сырына,

                                          Шығайық біз бірге білімнің шыңына.

 

2-жүргізуші:                 Қадамыңа гүл бітсін деп ал халқым,

                                       Қол соғып бір қошеметтеп тұр жалпың.

 

1-жүргізуші:                 Ортаға 1-сыныпқа қадам тастаған бүлдіршіндер келеді,

                                      Жүрек жарды тақпақтарын сіздерге айтып береді.

 

1-оқушы:                Сәлем, саған мектебім,

                                Алғыстарым көп менің.

                                Оқу, білім, тәрбие

                                Ой санама еккенің.

 

2-оқушы:     Қуаныш бүгін – мереке,

                     Шуағын шашып тұр әлем.

                     Мектепке келген алғашқы,

                     Жан досым, саған мың сәлем.

 

3-оқушы:               Бірінші қыркүйек күні мен

                                Аңқыған жұпар гүлімен

                                Келіп ем, қарсы алар мектебім

                                Сүйкімді қоңырау үнімен.

 

4-оқушы:      Биыл мен де мектепке

                      Біріншіге барамын.

                      Мақтанбаймын мен текке,

                      Дайын дәптер, қаламым.

 

5-оқушы:                 Мектепке енді барамыз,

                                 Біз оқушы боламыз.

                                 Жақсы оқып сабақты,

                                 Кілең бестік аламыз.

 

6-оқушы:      Алдыңа келіп, ұстазым,

                      Тұңғыш қалам ұстадым.

                      Күлімдеген көзіңнен

                      Мейіріңді сезіндім.

 

7-оқушы:                  Отанның біз ұл-қызы,

                                  Халықтың біз жұлдызы.

                                  Оқимыз ақын-жырларын,

                                  Оқимыз еңбек сырларын.

 

8-оқушы:        Сылдырлайды, сыңғырлайды

                        Мектеп жақта қоңырау.

                        Ұмытпаймыз бұл бір айды,

                        Гүлге толы омырау.

 

 9-оқушы:          Гүл толы қала, дала да,

                           Гүл толы бүгін омырау.

                           Шақырып мектеп – анаға,

                           Соғылмақ тұңғыш қоңырау.

 

Ән.  «Ертегілер» 1-сынып оқушысы

 

2-жүргізуші:     Абзал жандар, биік тұлға байсалды,

                          Құшақ жайып шәкірттерін қарсы алды.

                          Өздеріңе жүрекжарды сөз айтып,

                          Құттықтайды 11-сынып баршаңды.

 

11-сынып оқушысы:          Оқыған әпке, ағаңыз,

                                             Қадірлі мектеп – бұл мектеп.

                                             Сендердей біз де болғанбыз,

                                             Есейдік, міне, қараңыз.

                                             Құт болып алғаш қадамың,

                                             Жағарсың білім шырағын.

                                             Биылғы жыл ерекше,

                                             Ұғарсың оның шын мәнін.         

 

11-сынып оқушысы:        Құттықтап білім күнімен,

                                           Сыйланар сізге әліппе.

                                           Бар білімнің бастауы,

                                           Қадірлеп оны дәріпте.

 

(Музыка әуенімен 11-сынып оқушылары «Әліппе» оқулығын 1-сыныптарға сыйлайды) 

1-жүргізуші:       Жүрегі нұр, өмірі гүл ұстаздың,

                             Сондықтан да ұстазыңа ұқсағың.

                             Адам жанын тәрбиелеп аялар,

                             Құрметті ғой әрбір ісі ұстаздың – деп сөз кезегін 1-сыныпқа 

                             шәкірттерін қабылдап отырған ұстаздарға береміз.

 

 (1-сынып мұғалімдерінің құттықтау сөздері)

 

2-жүргізуші:          Оқитын әрі жазатын,

                               Білімге қол созатын.

                               Оқушы болдың, қарағым,

                               Білімнің кілтін ашатын, - деп сөз кезегін балапандарын ертіп 

                               келген  құрметті ата-аналарымызға береміз.

 

1-жүргізуші:        Сіздерге әнін арнайтын _____________________ қарсы алыңыздар

 

 Ән     «Ұстазым»

 

ІІІ блок

 

1-жүргізуші:       Қағылмақ , міне, әуенге бөлеп,

                             Қағылмақ алғаш қоңырау,

                             Нұр толқып жүзің, гүл толып құшақ,

                             Шаттыққа толсын омырау.

 

2-жүргізуші:   Алғашқы қоңырау соғу рәсімі 1-сынып оқушысы. ______________

  __________________________________________________беріледі.

 

Алғашқы қоңырау соғылады

 

 

1-жүргізуші:               Бүлдіршіндер, сендерге артар міндет көп,

                                   Көтеріңдер мектептің атын құрметтеп.

                                   Білімнің көзін аша білсең тереңнен,

                                   Жетелейді армандарға бұл мектеп, - деп бүгінгі «Білім күніне»  

                                   арналған  мерекемізді аяқтауға рұқсат етіңіздер.

                                   Шәкірттеріміз бен ата-аналар мектепке кіріп, мұражайдан бастап 

                                   сынып бөлмелері мен мектеппен танысу сәттеріне жол берелік.

 

(Музыкамен мектепке кіреді) 

 


Просмотров: 764
Дата создания: 10.11.2011
Дата редактирования: 10.11.2011

Интернет-ресурстың интерфейс тілін таңдап алыңыз

Выберите язык интерфейса Интернет-ресурса

Select the interface language of an Internet-resource




Интернет-ресурстың контент тілін таңдап алыңыз

Выберите язык содержимого Интернет-ресурса

Select the content language of the Internet-resource